Breaking News
Home / Mantras / BHAGAVADGITA / SRIMAD BHAGAVAD GITA CHAPTER 6

SRIMAD BHAGAVAD GITA CHAPTER 6

atha shhashhTho.adhyaayaH |

shreebhagavaanuvaacha |
anaashritaH karmaphalaM kaaryaM karma karoti yaH |
sa saMnyaasee cha yogee cha na niragnirna chaakriyaH || 1 ||

yaM saMnyaasamiti praahuryogaM taM viddhi paaMDava |
na hyasaMnyastasaMkalpo yogee bhavati kashchana || 2 ||

aarurukshhormuneryogaM karma kaaraNamuchyate |
yogaarooDhasya tasyaiva shamaH kaaraNamuchyate || 3 ||

yadaa hi nendriyaartheshhu na karmasvanushhajjate |
sarvasaMkalpasaMnyaasee yogaarooDhastadochyate || 4 ||

uddharedaatmanaatmaanaM naatmaanamavasaadayet |
aatmaiva hyaatmano bandhuraatmaiva ripuraatmanaH || 5 ||

bandhuraatmaatmanastasya yenaatmaivaatmanaa jitaH |
anaatmanastu shatrutve vartetaatmaiva shatruvat || 6 ||

jitaatmanaH prashaantasya paramaatmaa samaahitaH |
sheetoshhNasukhaduHkheshhu tathaa maanaapamaanayoH || 7 ||

gnyaanavignyaanatRRiptaatmaa kooTastho vijitendriyaH |
yukta ityuchyate yogee samaloshhTaashmakaanchanaH || 8 ||

suhRRinmitraaryudaaseenamadhyasthadveshhyabandhushhu |
saadhushhvapi cha paapeshhu samabuddhirvishishhyate || 9 ||

yogee yunjeeta satatamaatmaanaM rahasi sthitaH |
ekaakee yatachittaatmaa niraasheeraparigrahaH || 1

0 ||

shuchau deshe pratishhThaapya sthiramaasanamaatmanaH |
naatyuchChritaM naatineechaM chailaajinakushottaram || 11 ||

tatraikaagraM manaH kRRitvaa yatachittendriyakriyaaH |
upavishyaasane yunjyaadyogamaatmavishuddhaye || 12 ||

samaM kaayashirogreevaM dhaarayannachalaM sthiraH |
saMprekshhya naasikaagraM svaM dishashchaanavalokayan || 13 ||

prashaantaatmaa vigatabheerbrahmachaarivrate sthitaH |
manaH saMyamya machchitto yukta aaseeta matparaH || 14 ||

yunjannevaM sadaatmaanaM yogee niyatamaanasaH |
shaantiM nirvaaNaparamaaM matsaMsthaamadhigachChati || 15 ||

naatyashnatastu yogo.asti na chaikaantamanashnataH |
na chaatisvapnasheelasya jaagrato naiva chaarjuna || 16 ||

yuktaahaaravihaarasya yuktacheshhTasya karmasu |
yuktasvapnaavabodhasya yogo bhavati duHkhahaa || 17 ||

yadaa viniyataM chittamaatmanyevaavatishhThate |
niHspRRihaH sarvakaamebhyo yukta ityuchyate tadaa || 18 ||

yathaa deepo nivaatastho nengate sopamaa smRRitaa |
yogino yatachittasya yunjato yogamaatmanaH || 19 ||

yatroparamate chittaM niruddhaM yogasevayaa |
yatra chaivaatmanaatmaanaM pashyannaatmani tushhyati || 20 ||

sukhamaatyantikaM yattadbuddhigraahyamateendriyam |
vetti yatra na chaivaayaM sthitashchalati tattvataH || 21 ||

yaM labdhvaa chaaparaM laabhaM manyate naadhikaM tataH |
yasminsthito na duHkhena guruNaapi vichaalyate || 22 ||

taM vidyaadduHkhasaMyogaviyogaM yogasaMgnyitam |
sa nishchayena yoktavyo yogo.anirviNNachetasaa || 23 ||

saMkalpaprabhavaankaamaaMstyaktvaa sarvaanasheshhataH |
manasaivendriyagraamaM viniyamya samantataH || 24 ||

shanaiH shanairuparamedbuddhyaa dhRRitigRRiheetayaa |
aatmasaMsthaM manaH kRRitvaa na kiMchidapi chintayet || 25 ||

yato yato nishcharati manashchanchalamasthiram |
tatastato niyamyaitadaatmanyeva vashaM nayet || 26 ||

prashaantamanasaM hyenaM yoginaM sukhamuttamam |
upaiti shaantarajasaM brahmabhootamakalmashham || 27 ||

yunjannevaM sadaatmaanaM yogee vigatakalmashhaH |
sukhena brahmasaMsparshamatyantaM sukhamashnute || 28 ||

sarvabhootasthamaatmaanaM sarvabhootaani chaatmani |
eekshhate yogayuktaatmaa sarvatra samadarshanaH || 29 ||

yo maaM pashyati sarvatra sarvaM cha mayi pashyati |
tasyaahaM na praNashyaami sa cha me na praNashyati || 30 ||

sarvabhootasthitaM yo maaM bhajatyekatvamaasthitaH |
sarvathaa vartamaano.api sa yogee mayi vartate || 31 ||

aatmaupamyena sarvatra samaM pashyati yo.arjuna |
sukhaM vaa yadi vaa duHkhaM sa yogee paramo mataH || 32 ||

arjuna uvaacha |
yo.ayaM yogastvayaa proktaH saamyena madhusoodana |
etasyaahaM na pashyaami chanchalatvaatsthitiM sthiraam || 33 ||

chanchalaM hi manaH kRRishhNa pramaathi balavaddRRiDham |
tasyaahaM nigrahaM manye vaayoriva sudushhkaram || 34 ||

shreebhagavaanuvaacha |
asaMshayaM mahaabaaho mano durnigrahaM chalam |
abhyaasena tu kaunteya vairaagyeNa cha gRRihyate || 35 ||

asaMyataatmanaa yogo dushhpraapa iti me matiH |
vashyaatmanaa tu yatataa shakyo.avaaptumupaayataH || 36 ||

arjuna uvaacha |
ayatiH shraddhayopeto yogaachchalitamaanasaH |
apraapya yogasaMsiddhiM kaaM gatiM kRRishhNa gachChati || 37 ||

kachchinnobhayavibhrashhTashChinnaabhramiva nashyati |
apratishhTho mahaabaaho vimooDho brahmaNaH pathi || 38 ||

etanme saMshayaM kRRishhNa ChettumarhasyasheshhataH |
tvadanyaH saMshayasyaasya Chettaa na hyupapadyate || 39 ||

shreebhagavaanuvaacha |
paartha naiveha naamutra vinaashastasya vidyate |
na hi kalyaaNakRRitkashchiddurgatiM taata gachChati || 40 ||

praapya puNyakRRitaaM lokaanushhitvaa shaashvateeH samaaH |
shucheenaaM shreemataaM gehe yogabhrashhTo.abhijaayate || 41 ||

athavaa yoginaameva kule bhavati dheemataam |
etaddhi durlabhataraM loke janma yadeedRRisham || 42 ||

tatra taM buddhisaMyogaM labhate paurvadehikam |
yatate cha tato bhooyaH saMsiddhau kurunandana || 43 ||

poorvaabhyaasena tenaiva hriyate hyavasho.api saH |
jignyaasurapi yogasya shabdabrahmaativartate || 44 ||

prayatnaadyatamaanastu yogee saMshuddhakilbishhaH |
anekajanmasaMsiddhastato yaati paraaM gatim || 45 ||

tapasvibhyo.adhiko yogee gnyaanibhyo.api mato.adhikaH |
karmibhyashchaadhiko yogee tasmaadyogee bhavaarjuna || 46 ||

yoginaamapi sarveshhaaM madgatenaantaraatmanaa |
shraddhaavaanbhajate yo maaM sa me yuktatamo mataH || 47 ||

oM tatsaditi shreemadbhagavadgeetaasoopanishhatsu brahmavidyaayaaM yogashaastre shreekRRishhNaarjunasaMvaade

aatmasaMyamayogo naama shhashhTho.adhyaayaH ||6 ||

error: Content is protected !!