Breaking News
Home / Mantras / BHAGAVADGITA / SRIMAD BHAGAVAD GITA CHAPTER 5

SRIMAD BHAGAVAD GITA CHAPTER 5

atha panchamo.adhyaayaH |

arjuna uvaacha |
saMnyaasaM karmaNaaM kRRishhNa punaryogaM cha shaMsasi |
yachChreya etayorekaM tanme broohi sunishchitam || 1 ||

shreebhagavaanuvaacha |
saMnyaasaH karmayogashcha niHshreyasakaraavubhau |
tayostu karmasaMnyaasaatkarmayogo vishishhyate || 2 ||

gnyeyaH sa nityasaMnyaasee yo na dveshhTi na kaankshhati |
nirdvandvo hi mahaabaaho sukhaM bandhaatpramuchyate || 3 ||

saaMkhyayogau pRRithagbaalaaH pravadanti na paNDitaaH |
ekamapyaasthitaH samyagubhayorvindate phalam || 4 ||

yatsaaMkhyaiH praapyate sthaanaM tadyogairapi gamyate |
ekaM saaMkhyaM cha yogaM cha yaH pashyati sa pashyati || 5 ||

saMnyaasastu mahaabaaho duHkhamaaptumayogataH |
yogayukto munirbrahma nachireNaadhigachChati || 6 ||

yogayukto vishuddhaatmaa vijitaatmaa jitendriyaH |
sarvabhootaatmabhootaatmaa kurvannapi na lipyate || 7 ||

naiva kiMchitkaromeeti yukto manyeta tattvavit |
pashyanshRRiNvanspRRishanjighrannashnangachChansvapanshvasan || 8 ||

pralapanvisRRijangRRihNannunmishhannimishhannapi |
indriyaaNeendriyaartheshhu vartanta iti dhaarayan || 9 ||

brahmaNyaadhaaya karmaaNi sangaM tyaktvaa karoti yaH |
lipyate na sa paapena padmapatramivaambhasaa || 1

0 ||

kaayena manasaa buddhyaa kevalairindriyairapi |
yoginaH karma kurvanti sangaM tyaktvaatmashuddhaye || 11 ||

yuktaH karmaphalaM tyaktvaa shaantimaapnoti naishhThikeem |
ayuktaH kaamakaareNa phale sakto nibadhyate || 12 ||

sarvakarmaaNi manasaa saMnyasyaaste sukhaM vashee |
navadvaare pure dehee naiva kurvanna kaarayan || 13 ||

na kartRRitvaM na karmaaNi lokasya sRRijati prabhuH |
na karmaphalasaMyogaM svabhaavastu pravartate || 14 ||

naadatte kasyachitpaapaM na chaiva sukRRitaM vibhuH |
agnyaanenaavRRitaM gnyaanaM tena muhyanti jantavaH || 15 ||

gnyaanena tu tadagnyaanaM yeshhaaM naashitamaatmanaH |
teshhaamaadityavajgnyaanaM prakaashayati tatparam || 16 ||

tadbuddhayastadaatmaanastannishhThaastatparaayaNaaH |
gachChantyapunaraavRRittiM gnyaananirdhootakalmashhaaH || 17 ||

vidyaavinayasaMpanne braahmaNe gavi hastini |
shuni chaiva shvapaake cha paNDitaaH samadarshinaH || 18 ||

ihaiva tairjitaH sargo yeshhaaM saamye sthitaM manaH |
nirdoshhaM hi samaM brahma tasmaadbrahmaNi te sthitaaH || 19 ||

na prahRRishhyetpriyaM praapya nodvijetpraapya chaapriyam |
sthirabuddhirasaMmooDho brahmavidbrahmaNi sthitaH || 20 ||

baahyasparsheshhvasaktaatmaa vindatyaatmani yatsukham |
sa brahmayogayuktaatmaa sukhamakshhayamashnute || 21 ||

ye hi saMsparshajaa bhogaa duHkhayonaya eva te |
aadyantavantaH kaunteya na teshhu ramate budhaH || 22 ||

shaknoteehaiva yaH soDhuM praakshareeravimokshhaNaat |
kaamakrodhodbhavaM vegaM sa yuktaH sa sukhee naraH || 23 ||

yo.antaHsukho.antaraaraamastathaantarjyotireva yaH |
sa yogee brahmanirvaaNaM brahmabhooto.adhigachChati || 24 ||

labhante brahmanirvaaNamRRishhayaH kshheeNakalmashhaaH |
Chinnadvaidhaa yataatmaanaH sarvabhootahite rataaH || 25 ||

kaamakrodhaviyuktaanaaM yateenaaM yatachetasaam |
abhito brahmanirvaaNaM vartate viditaatmanaam || 26 ||

sparshaankRRitvaa bahirbaahyaaMshchakshhushchaivaantare bhruvoH |
praaNaapaanau samau kRRitvaa naasaabhyantarachaariNau || 27 ||

yatendriyamanobuddhirmunirmokshhaparaayaNaH |
vigatechChaabhayakrodho yaH sadaa mukta eva saH || 28 ||

bhoktaaraM yagnyatapasaaM sarvalokamaheshvaram |
suhRRidaM sarvabhootaanaaM gnyaatvaa maaM shaantimRRichChati || 29 ||

oM tatsaditi shreemadbhagavadgeetaasoopanishhatsu brahmavidyaayaaM yogashaastre shreekRRishhNaarjunasaMvaade

karmasaMnyaasayogo naama panchamo.adhyaayaH ||5 ||

error: Content is protected !!