Breaking News
Home / Mantras / BHAGAVADGITA / SRIMAD BHAGAVAD GITA CHAPTER 4

SRIMAD BHAGAVAD GITA CHAPTER 4

atha chaturtho.adhyaayaH |

shreebhagavaanuvaacha |
imaM vivasvate yogaM proktavaanahamavyayam |
vivasvaanmanave praaha manurikshhvaakave.abraveet || 1 ||

evaM paraMparaapraaptamimaM raajarshhayo viduH |
sa kaaleneha mahataa yogo nashhTaH paraMtapa || 2 ||

sa evaayaM mayaa te.adya yogaH proktaH puraatanaH |
bhakto.asi me sakhaa cheti rahasyaM hyetaduttamam || 3 ||

arjuna uvaacha |
aparaM bhavato janma paraM janma vivasvataH |
kathametadvijaaneeyaaM tvamaadau proktavaaniti || 4 ||

shreebhagavaanuvaacha |
bahooni me vyateetaani janmaani tava chaarjuna |
taanyahaM veda sarvaaNi na tvaM vettha paraMtapa || 5 ||

ajo.api sannavyayaatmaa bhootaanaameeshvaro.api san |
prakRRitiM svaamadhishhThaaya saMbhavaamyaatmamaayayaa || 6 ||

yadaa yadaa hi dharmasya glaanirbhavati bhaarata |
abhyutthaanamadharmasya tadaatmaanaM sRRijaamyaham || 7 ||

paritraaNaaya saadhoonaaM vinaashaaya cha dushhkRRitaam |
dharmasaMsthaapanaarthaaya saMbhavaami yuge yuge || 8 ||

janma karma cha me divyamevaM yo vetti tattvataH |
tyaktvaa dehaM punarjanma naiti maameti so.arjuna || 9 ||

veetaraagabhayakrodhaa manmayaa maamupaashritaaH |
bahavo gnyaanatapasaa pootaa madbhaavamaagataaH || 1

0 ||

ye yathaa maaM prapadyante taaMstathaiva bhajaamyaham |
mama vartmaanuvartante manushhyaaH paartha sarvashaH || 11 ||

kaankshhantaH karmaNaaM siddhiM yajanta iha devataaH |
kshhipraM hi maanushhe loke siddhirbhavati karmajaa || 12 ||

chaaturvarNyaM mayaa sRRishhTaM guNakarmavibhaagashaH |
tasya kartaaramapi maaM viddhyakartaaramavyayam || 13 ||

na maaM karmaaNi limpanti na me karmaphale spRRihaa |
iti maaM yo.abhijaanaati karmabhirna sa badhyate || 14 ||

evaM gnyaatvaa kRRitaM karma poorvairapi mumukshhubhiH |
kuru karmaiva tasmaattvaM poorvaiH poorvataraM kRRitam || 15 ||

kiM karma kimakarmeti kavayo.apyatra mohitaaH |
tatte karma pravakshhyaami yajgnyaatvaa mokshhyase.ashubhaat || 16 ||

karmaNo hyapi boddhavyaM boddhavyaM cha vikarmaNaH |
akarmaNashcha boddhavyaM gahanaa karmaNo gatiH || 17 ||

karmaNyakarma yaH pashyedakarmaNi cha karma yaH |
sa buddhimaanmanushhyeshhu sa yuktaH kRRitsnakarmakRRit || 18 ||

yasya sarve samaarambhaaH kaamasaMkalpavarjitaaH |
gnyaanaagnidagdhakarmaaNaM tamaahuH paNDitaM budhaaH || 19 ||

tyaktvaa karmaphalaasangaM nityatRRipto niraashrayaH |
karmaNyabhipravRRitto.api naiva kiMchitkaroti saH || 20 ||

niraasheeryatachittaatmaa tyaktasarvaparigrahaH |
shaareeraM kevalaM karma kurvannaapnoti kilbishham || 21 ||

yadRRichChaalaabhasaMtushhTo dvandvaateeto vimatsaraH |
samaH siddhaavasiddhau cha kRRitvaapi na nibadhyate || 22 ||

gatasangasya muktasya gnyaanaavasthitachetasaH |
yagnyaayaacharataH karma samagraM pravileeyate || 23 ||

brahmaarpaNaM brahma havirbrahmaagnau brahmaNaa hutam |
brahmaiva tena gantavyaM brahmakarmasamaadhinaa || 24 ||

daivamevaapare yagnyaM yoginaH paryupaasate |
brahmaagnaavapare yagnyaM yagnyenaivopajuhvati || 25 ||

shrotraadeeneendriyaaNyanye saMyamaagnishhu juhvati |
shabdaadeenvishhayaananya indriyaagnishhu juhvati || 26 ||

sarvaaNeendriyakarmaaNi praaNakarmaaNi chaapare |
aatmasaMyamayogaagnau juhvati gnyaanadeepite || 27 ||

dravyayagnyaastapoyagnyaa yogayagnyaastathaapare |
svaadhyaayagnyaanayagnyaashcha yatayaH saMshitavrataaH || 28 ||

apaane juhvati praaNaM praaNe.apaanaM tathaapare |
praaNaapaanagatee ruddhvaa praaNaayaamaparaayaNaaH || 29 ||

apare niyataahaaraaH praaNaanpraaNeshhu juhvati |
sarve.apyete yagnyavido yagnyakshhapitakalmashhaaH || 30 ||

yagnyashishhTaamRRitabhujo yaanti brahma sanaatanam |
naayaM loko.astyayagnyasya kuto.anyaH kurusattama || 31 ||

evaM bahuvidhaa yagnyaa vitataa brahmaNo mukhe |
karmajaanviddhi taansarvaanevaM gnyaatvaa vimokshhyase || 32 ||

shreyaandravyamayaadyagnyaajgnyaanayagnyaH paraMtapa |
sarvaM karmaakhilaM paartha gnyaane parisamaapyate || 33 ||

tadviddhi praNipaatena pariprashnena sevayaa |
upadekshhyanti te gnyaanaM gnyaaninastattvadarshinaH || 34 ||

yajgnyaatvaa na punarmohamevaM yaasyasi paaMDava |
yena bhootaanyasheshheNa drakshhyasyaatmanyatho mayi || 35 ||

api chedasi paapebhyaH sarvebhyaH paapakRRittamaH |
sarvaM gnyaanaplavenaiva vRRijinaM saMtarishhyasi || 36 ||

yathaidhaaMsi samiddho.agnirbhasmasaatkurute.arjuna |
gnyaanaagniH sarvakarmaaNi bhasmasaatkurute tathaa || 37 ||

na hi gnyaanena sadRRishaM pavitramiha vidyate |
tatsvayaM yogasaMsiddhaH kaalenaatmani vindati || 38 ||

shraddhaavaaMllabhate gnyaanaM tatparaH saMyatendriyaH |
gnyaanaM labdhvaa paraaM shaantimachireNaadhigachChati || 39 ||

agnyashchaashraddadhaanashcha saMshayaatmaa vinashyati |
naayaM loko.asti na paro na sukhaM saMshayaatmanaH || 40 ||

yogasaMnyastakarmaaNaM gnyaanasaMChinnasaMshayam |
aatmavantaM na karmaaNi nibadhnanti dhanaMjaya || 41 ||

tasmaadagnyaanasaMbhootaM hRRitsthaM gnyaanaasinaatmanaH |
ChittvainaM saMshayaM yogamaatishhThottishhTha bhaarata || 42 ||

oM tatsaditi shreemadbhagavadgeetaasoopanishhatsu brahmavidyaayaaM yogashaastre shreekRRishhNaarjunasaMvaade

gnyaanakarmasaMnyaasayogo naama chaturtho.adhyaayaH ||4 ||

error: Content is protected !!