Breaking News
Home / Uncategorized / Shri surya sahasranama stotram

Shri surya sahasranama stotram

॥ śrīsūryasahasranāmastotram 1 ॥

sumanturuvāca
māghe māsi site pakṣe saptamyāṅkurunandana ।
nirāhāro ravimbhaktyā pūjayedvidhinā nṛpa ॥ 1॥

pūrvoktena japejjapyandevasya purataḥ sthitaḥ ।
śuddhaikāgramanā rājañjitakrodho jitendriyaḥ ॥ 2॥

śatānīka uvāca
kena mantreṇa japtena darśanaṃ bhagavānvrajet ।
stotreṇa vāpi savitā tanme kathaya suvrata ॥ 3॥

sumanturuvāca
stuto nāmasahasreṇa yadā bhaktimatā mayā ।
tadā me darśanaṃ yātaḥ sākṣād devo divākaraḥ ॥ 4॥

śatānīka uvāca
nāmnāṃ sahasraṃ savituḥ śrotumicchāmi te dvija ।
yena te darśanaṃ yātaḥ sākṣād devo divākaraḥ ॥ 5॥

sumanturuvāca
sarvamaṅgalamāṅgalyaṃ sarvapāpapraṇāśanam ।
extra line stotrametanmahāpuṇyaṃ sarvopadravanāśanam ।
na cedasti bhayaṅkiñcidyajanena ca śāmyati ॥ 6॥

jvarādvimucyate rājan stotre'sminpaṭhite naraḥ ।
anye ca rogāśśāmyanti paṭhataḥ śṛṇvatastathā ॥ 7॥

sampadyante yathā kāmāssarvabhogā yathepsitāḥ ।
ya etadāditaḥ śrutvā saṅgrāmaṃ praviśennaraḥ ॥ 8॥

sa jitvā samare śatrūnabhyeti gṛhamakṣataḥ ।
vandhyānāṃ putrajananaṃ bhītānāṃ bhayanāśanam ॥ 9॥

bhūtikāri daridrāṇāṃ kuṣṭhināṃ paramauṣadham ।
bālānāñcaiva sarveṣāṅgraharakṣonivāraṇam ॥ 1
0॥ paṭhed etaddhi yo rājan sa śreyaḥ paramāpnuyāt । saṃsiddhassarvasaṅkalpaḥ sukhamatyantamaśnute ॥ 11॥ dharmārthibhirdharmalubdhyai sukhāya ca sukhārthibhiḥ । rājyāya rājyakāmaiśca paṭhitavyamidannaraiḥ ॥ 12॥ vidyāvahaṃ tu viprāṇāṃ kṣatriyāṇāṃ jayāvaham । paśvāvahaṃ tu vaiśyānāṃ śūdrāṇāṃ dharmavardhanam ॥ 13॥ paṭhatāṃ śṛṇvatāmetad bhavatīti na saṃśayaḥ । tacchṛṇuṣva nṛpaśreṣṭha prayatātmā bravīmi te ॥ 14॥ nāmnāṃ sahasravikhyātaṃ devadevasya bhāsvataḥ । Om̃ asya śrīsūryasahasranāmnāmbhagavān parāśaraṛṣiranuṣṭupchandaḥ śrīsūryo devatā sakalābhīṣṭasiddhyarthe jape viniyogaḥ ॥ । atha bhaviṣyapurāṇāntargata-sūryasahasranāmastotram । dhyānam dhyeyaḥ sadā savitṛmaṇḍalamadhyavartī nārāyaṇaḥ sarasijāsanasaṃniviṣṭaḥ । keyūravān makarakuṇḍalavān kirīṭī hārī hiraṇmayavapurdhṛtaśaṅkhacakraḥ ॥ Om̃ viśvajid viśvajitkartā viśvātmā viśvatomukhaḥ । viśveśvaro viśvayonirniyatātmā jitendriyaḥ ॥ 1॥ kālāśrayaḥ kālakartā kālahā kālanāśanaḥ । mahāyogī mahābuddhirmahātmā sumahābalaḥ ॥ 2॥ prabhurvibhurbhūtanātho bhūtātmā bhuvaneśvaraḥ । bhūtabhavyo bhāvitātmā bhūtāntaḥkaraṇaḥ śivaḥ ॥ 3॥ śaraṇyaḥ kamalānando nandano nandavardhanaḥ । vareṇyo varado yogī susaṃyuktaḥ prakāśakaḥ ॥ 4॥ vākprāṇaḥ paramaḥ prāṇaḥ prītātmā priyataḥ priyaḥ । nayaḥ sahasrapāt sādhurdivyakuṇḍalamaṇḍitaḥ ॥ 5॥ avyaṅgadhārī dhīrātmā pracetā vāyuvāhanaḥ । samāhitamatirdhātā vidhātā kṛtamaṅgalaḥ ॥ 6॥ kapardī kalpakṛdrudraḥ sumanā dharmavatsalaḥ । samāyukto vimuktātmā kṛtātmā kṛtināṃvaraḥ ॥ 7॥ avicintyavapuḥ śreṣṭho mahāyogī maheśvaraḥ । kāntaḥ kāmādirādityo niyatātmā nirākulaḥ ॥ 8॥ kāmaḥ kāruṇikaḥ kartā kamalākarabodhanaḥ । saptasaptiracintyātmā mahākāruṇikottamaḥ ॥ 9॥ saṃjīvano jīvanātho jagajjīvo jagatpatiḥ । ajayo viśvanilayaḥ saṃvibhāgo vṛṣadhvajaḥ ॥ 10॥ vṛṣākapiḥ kalpakartā kalpāntakaraṇo raviḥ । ekacakraratho maunī suratho rathināṃvaraḥ ॥ 11॥ akrodhano raśmimālī tejorāśirvibhāvasuḥ । divyakṛd dinakṛd devo devadevo divaspatiḥ ॥ 12॥ dhīrānātho havirhotā divyabāhurdivākaraḥ । yajño yajñapatiḥ pūṣā svarṇaretāḥ parāvahaḥ ॥ 13॥ parāparajñas taraṇiraṃśumālī manoharaḥ । prājñaḥ prajāpatiḥ sūryaḥ savitā viṣṇuraṃśumān ॥ 14॥ sadāgatirgandhabāhurvihito vidhirāśugaḥ । pataṅgaḥ patagaḥ sthāṇurvihaṅgo vihago varaḥ ॥ 15॥ haryaśvo haritāśvaśca haridaśvo jagatpriyaḥ । tryaṃbakaḥ sarvadamano bhāvitātmā bhiṣagvaraḥ ॥ 16॥ ālokakṛllokanātho lokālokanamaskṛtaḥ । kālaḥ kalpāntako vahnistapanaḥ sampratāpanaḥ ॥ 17॥ virocano virūpākṣaḥ sahasrākṣaḥ puraṃdaraḥ । sahasraraśmirmihiro vividhāmbarabhūṣaṇaḥ ॥ 18॥ khagaḥ pratardano dhanyo hayago vāgviśāradaḥ । śrīmāṃśca śiśiro vāgmī śrīpatiḥ śrīniketanaḥ ॥ 19॥ śrīkaṇṭhaḥ śrīdharaḥ śrīmān śrīnivāso vasupradaḥ । kāmacāro mahāmāyo maheśo viditāśayaḥ ॥ 20॥ tīrthakriyāvān sunayo vibhavo bhaktavatsalaḥ । kīrtiḥ kīrtikaro nityaḥ kuṇḍalī kavacī rathī ॥ 21॥ hiraṇyaretāḥ saptāśvaḥ prayatātmā paraṃtapaḥ । buddhimān amaraśreṣṭho rociṣṇuḥ pātaśāsanaḥ ॥ 22॥ samudro dhanado dhātā māndhātā kaśmalāpahaḥ । tamoghno dhvāntahā vahnirhotāntaḥkaraṇo guhaḥ ॥ 23॥ paśumān prayatānando bhūteśaḥ śrīmatāṃvaraḥ । nityodito nityarathaḥ sureśaḥ surapūjitaḥ ॥ 24॥ ajito vijayo jetā jaṅgamasthāvarātmakaḥ । jīvānando nityakāmī vijetā vijayapradaḥ ॥ 25॥ parjanyo'gniḥ sthitistheyaḥ sthaviro'ṇurnirañjanaḥ । pradyotano rathārūḍhaḥ sarvalokaprakāśakaḥ ॥ 26॥ dhruvo medhī mahāvīryo haṃsaḥ saṃsāratārakaḥ । sṛṣṭikartā kriyāheturmārtaṇḍo marutāṃpatiḥ ॥ 27॥ marutvān dahanaḥ spaṣṭā bhago bhāgyo'ryamāpatiḥ । varuṇāṃśo jagannāthaḥ kṛtakṛtyaḥ sulocanaḥ ॥ 28॥ vivasvān bhānumān kāryakāraṇaṃ tejasāṃnidhiḥ । asaṅgavāmī tigmāṃśurdharmādirdīptadīdhitiḥ ॥ 29॥ sahasradīdhitirbhaghnaḥ sahasrāṃśurdivākaraḥ । gabhastimān dīdhitimān sragvimān atuladyutiḥ ॥ 30॥ bhāskaraḥ surakāryajñaḥ sarvajñas tīkṣṇadīdhitiḥ । surajyeṣṭhaḥ surapatirbahujñovacasāṃpatiḥ ॥ 31॥ tejonidhirbṛhattejā bṛhatkīrtirbṛhaspatiḥ । ahimānūrjito dhīmān āmuktaḥ kīrtivardhanaḥ ॥ 32॥ mahāvaidyāgreṇapatirgaṇeśo gaṇanāyakaḥ । tīvrapratāpanas tāpī tāpano viśvatāpanaḥ ॥ 33॥ kārtasvaro hṛṣīkeśaḥ padmānando'bhinanditaḥ । padmanābho'mṛtāhāraḥ sthitimān ketumān nabhaḥ ॥ 34॥ anādyanto'cyuto viśvo viśvāmitro ghṛṇī virāṭ । āmuktaḥ kavacī vāgmī kañcukī viśvabhāvanaḥ ॥ 35॥ animittagatiḥ śreṣṭhaḥ śaraṇyaḥ sarvatomukhaḥ । vigāhīreṇurasahaḥ samāyuktaḥ samāhitaḥ ॥ 36॥ dharmaketurdharmaratiḥ saṃhartā saṃyamoyamaḥ । praṇatārtiharo vādī siddhakāryo janeśvaraḥ ॥ 37॥ nabho vigāhanaḥ satyaḥ sthāmasaḥ sumano haraḥ । hārī harirharo vāyurṛtuḥ kālānaladyutiḥ ॥ 38॥ sukhasevyo mahātejā jagatāmantakāraṇam । mahendro viṣṭutaḥ stotraṃ stutihetuḥ prabhākaraḥ ॥ 39॥ sahasrakala āyuṣmān aroṣaḥ sukhadaḥ sukhī । vyādhihā sukhadaḥ saukhyaṃ kalyāṇaḥ kalpināṃvaraḥ ॥ 40॥ ārogyakarmaṇāṃ siddhirvṛddhirṛddhirahaspatiḥ । hiraṇyaretā ārogyaṃ vidvān bandhurbudho mahān ॥ 41॥ praṇavān dhṛtimān dharmo dharmakartā rucipradaḥ । var gharmo gharmakartā sarvapriyaḥ sarvasahaḥ sarvaśatrunivāraṇaḥ ॥ 42॥ var sarvaśatruvināśanaḥ prāṃśurvidyotano dyotaḥ sahasrakiraṇaḥ kṛtiḥ । keyūrabhūṣaṇodbhāsī bhāsito bhāsano'nalaḥ ॥ 43॥ śaraṇyārtiharo hotā khadyotaḥ khagasattamaḥ । sarvadyoto'mavaddyotaḥ sarvadyutikaro'malaḥ ॥ 44॥ kalyāṇaḥ kalyāṇakaraḥ kalpaḥ kalpakaraḥ kaviḥ । kalyāṇakṛt kalpavapuḥ sarvakalyāṇabhājanaḥ ॥ 45॥ śāntipriyaḥ prasannātmā praśāntaḥ praśamapriyaḥ । udārakarmā sunayaḥ suvarcā varcasojjvalaḥ ॥ 46॥ varcasvī varcasāmīśas trailokyeśo vaśānugaḥ । tejasvī suyaśāvarṇirvarṇādhyakṣo balipriyaḥ ॥ 47॥ yaśasvī vedanilayas tejasvī prakṛtisthitaḥ । ākāśagaḥ śīghragatirāśugaḥ śrutimān khagaḥ ॥ 48॥ gopatirgrahadeveśo gomān ekaḥ prabhañjanaḥ । janitāprajagaṇḍīvo dīpaḥ sarvaprakāśakaḥ ॥ 49॥ karmasākṣī yoganityo nabhasvān asurāntakaḥ । rakṣoghno vighnaśamanaḥ kirīṭī sumanaḥpriyaḥ ॥ 50॥ marīcimālī sumatiḥ kṛtātithyo'viśeṣataḥ । śiṣṭācāraḥ śubhākāraḥ svācārā cāratatparaḥ ॥ 51॥ mandāro māṭharo reṇuḥ kṣobhaṇaḥ pakṣiṇāṅguruḥ । svaviśiṣṭo viśiṣṭātmā vidheyo jñānaśobhanaḥ ॥ 52॥ mahāśvetā priyo jñeyaḥ sāmago modadāyakaḥ । sarvavedapragītātmā sarvavedo gayālayaḥ ॥ 53॥ vedamūrtiścaturvedo vedabhṛd vedapāragaḥ । kriyāvān atirociṣṇurvarīyāṃśca varapradaḥ ॥ 54॥ vratadhārī vratadharo lokabandhuralaṃkṛtaḥ । alaṃkārākṣaro divyavidyāvān viditāśayaḥ ॥ 55॥ akāro bhūṣaṇo bhūṣyo bhūṣṇurbhavanapūjitaḥ । cakrapāṇirvajradharaḥ suveśo lokavatsalaḥ ॥ 56॥ rājñīpatirmahābāhuḥ prakṛtirvikṛtirguṇaḥ । andhakārāpahaḥ śreṣṭho yugāvarto yugādikṛt ॥ 57॥ aprameyaḥ sadāyogī nirahaṃkāra īśvaraḥ । śubhapradaḥ śubhaśobhā śubhakarmā śubhāspadaḥ ॥ 58॥ satyavān dhṛtimān arcyo hyakāro vṛddhido'nalaḥ । balabhṛd balago bandhurbalavān hariṇāṃvaraḥ ॥ 59॥ anaṅgo'nāgarāṇindraḥ padmayonirgaṇeśvaraḥ । saṃvatsara ṛturnetā kālacakrapravartakaḥ ॥ 60॥ padmekṣaraḥ padmayoniḥ prabhavo'nasaradyutiḥ । sumūrtiḥ sumatiḥ somo govindo jagadādijaḥ ॥ 61॥ pītavāsāḥ kṛṣṇavāsā digvāsātīndriyo hariḥ । atīndro'nekarūpātmā skandaḥ parapuraṃjayaḥ ॥ 62॥ śaktimān sūradhṛg bhāsvān mokṣaheturayonijaḥ । sarvadarśodito darśo duḥsvapnāśubhanāśanaḥ ॥ 63॥ māṅgalyakartā karaṇirvegavān kaśmalāpahaḥ । spaṣṭākṣaro mahāmantro viśākho yajanapriyaḥ ॥ 64॥ viśvakarmā mahāśaktirjyotirīśavihaṃgamaḥ । vicakṣaṇo dakṣa indraḥ pratyūhaḥ priyadarśanaḥ ॥ 65॥ aśvinau vedanilayo vedavid viditāśayaḥ । prabhākaro jitaripuḥ sujano'ruṇasārathiḥ ॥ 66॥ kuberasurathaḥ skando mahito'bhihito guhuḥ । graharājo grahapatirgrahanakṣatramaṇḍanaḥ ॥ 67॥ bhāskaraḥ satatānando nandano nandivardhanaḥ । maṅgalo'pyatha maṅgalavān māṅgalyo'maṅgalāpahaḥ ॥ 68॥ maṅgalācāracaritaḥ śīrṇaḥ sarvavrato vratī । caturmukhaḥ padmamālī pūtātmā praṇatārtihā ॥ 69॥ akiñcanaḥ satyasandho nirguṇo guṇavān guṇī । sampūrṇaḥ puṇḍarīkākṣo vidheyo yogatatparaḥ ॥ 70॥ sahasrāṃśuḥ kratupatiḥ sarvasvaṃ sumatiḥ suvāk । subhāmano mālyadāmā ghṛtāhāro haripriyaḥ ॥ 71॥ brahmapracetā prathitaḥ pratītātmā sthirātmakaḥ । śatabinduḥ śatamakho garīyān analaprabhuḥ ॥ 72॥ dhīro mahattaro dhanyaḥ puruṣaḥ puruṣottamaḥ । vidyādharādhirājo'hividyāvān bhūtidasthitaḥ ॥73॥ anirdeśyavapuḥ śrīmān viśvātmā bahumaṅgalaḥ । susthitaḥ surathaḥ svarṇo mokṣādhāraniketanaḥ ॥ 74॥ nirdvandvo dvandvahā sargaḥ sarvagaḥ samprakāśayaḥ । dayāluḥ sūkṣmarīḥ śāntiḥ kṣemākṣemasthitipriyaḥ ॥ 75॥ bhūtaro bhūpatirvaktā pavitrātmā trilocanaḥ । mahāvarāhaḥ priyakṛd dhātā bhoktābhayapradaḥ ॥ 76॥ caturvedadharo nityo vinidro vividhāśanaḥ । cakravartī dhṛtikaraḥ sampūrṇo'tha maheśvaraḥ ॥ 77॥ vicitraratha ekākī saptasaptiḥ parātparaḥ । sarvodadhisthitikaraḥ sthitistheyaḥ sthitipriyaḥ ॥ 78॥ niṣkalaḥ puṣkaranibho vasumān vāsavapriyaḥ । vasumān vāsavasvāmī vasurātā vasupradaḥ ॥ 79॥ balavān jñānavāṃstattvam oṃkāras tṛṣusaṃsthitaḥ । saṃkalpayonirdinakṛd bhagavān kāraṇāvahaḥ ॥ 80॥ nīlakaṇṭho dhanādhyakṣaścaturvedapriyaṃvadaḥ । vaṣaṭkāro hutaṃ hotā svāhākāro hutāhutiḥ ॥ 81॥ janārdano janānando naro nārāyaṇo'mbudaḥ । svarṇāṅgakṣapaṇo vāyuḥ surā suranamaskṛtaḥ ॥ 82॥ vigraho vimalo bindurviśoko vimaladyutiḥ । dyotito dyotano vidvān vividvān varado balī ॥ 83॥ dharmayonirmahāmoho viṣṇubhrātā sanātanaḥ । sāvitrībhāvito rājā visṛto vighṛṇī virāṭ ॥ 84॥ saptārciḥ saptaturagaḥ saptalokanamaskṛtaḥ । sampanno'tha jagannāthaḥ sumanāḥ śobhanapriyaḥ ॥ 85॥ sarvātmā sarvakṛt sṛṣṭiḥ saptimān saptamīpriyaḥ । sumedhā mādhavo medhyo medhāvī madhusūdanaḥ ॥ 86॥ aṅgirā gatikālajño dhūmaketusuketanaḥ । sukhī sukhapradaḥ saukhyaṃ kāmī kāntipriyo muniḥ ॥ 87॥ saṃtāpanaḥ saṃtapana ātapī tapasāṃpatiḥ । ugraśravā sahasrosraḥ priyaṅkāro priyaṅkaraḥ ॥ 88॥ prīto vimanyurambhodo jīvano jagatāṃpatiḥ । jagatpitā prītamanāḥ sarvaḥ śarvo guhāvalaḥ ॥ 89॥ sarvago jagadānando jagannetā surārihā । śreyaḥ śreyaskaro jyāyānuttamottama uttamaḥ ॥ 90॥ uttamo'tha mahāmerurdhāraṇo dharaṇīdharaḥ । dhārādharo dharmarājo dharmādharmapravartakaḥ ॥ 91॥ rathādhyakṣo rathapatis tvaramāṇo'mitānalaḥ । uttaro'nuttaras tāpī tārāpatirapāṃpatiḥ ॥ 92॥ puṇyasaṃkīrtanaḥ puṇyo heturlokatrayāśrayaḥ । svarbhānurvihagāriṣṭo viśiṣṭotkṛṣṭakarmakṛt ॥ 93॥ vyādhipraṇāśanaḥ kṣemaḥ śūraḥ sarvajitāmbaraḥ । ekanātho rathādhīśaḥ śanaiścarapitāsitaḥ ॥ 94॥ vaivasvatagururmṛtyurdharmanityo mahāvrataḥ । pralambahāraḥ saṃcārī pradyoto dyotito'nalaḥ ॥ 95॥ saṃtānakṛt paro mantro mantramūrtirmahābalaḥ । śreṣṭhātmā supriyaḥ śambhurmahatāmīśvareśvaraḥ ॥ 96॥ saṃsāragativicchetā saṃsārārṇavatārakaḥ । saptajihvaḥ sahasrārcī ratnagarbho'parājitaḥ ॥ 97॥ dharmaketurameyātmā dharmādharmavarapradaḥ । lokasākṣī lokagururlokeśaś chandavāhanaḥ ॥ 98॥ dharmarūpaḥ sūkṣmavāyurdhanuṣpāṇirdhanurdharaḥ । pinākadhṛn mahotsāho naikamāyo mahāśanaḥ ॥ 99॥ vīraḥ śaktimatāṃśreṣṭhaḥ sarvaśastrabhṛtāṃvaraḥ । jñānagamyo durārādhyo lohitāṅgo'rimardanaḥ ॥ 100॥ ananto dharmado nityo dharmakṛccit trivikramaḥ । daivatras tryakṣaro madhyo nīlāṅgo nīlalohitaḥ ॥ 101॥ eko'nekas trayīvyāsaḥ savitā samitiñjayaḥ । śārṅgadhanvānalo bhīmaḥ sarvapraharaṇāyudhaḥ ॥ 102॥ parameṣṭhī paraṃjyotirnākapālī divaspatiḥ । vadānyo vāsukirvaidya ātreyo'tiparākramaḥ ॥ 103॥ dvāparaḥ paramodāraḥ paramabrahmacaryavān । uddīptaveṣo mukuṭī padmahasto'himāṃśubhṛt ॥ 104॥ smitaḥ prasannavadanaḥ padmodaranibhānanaḥ । sāyaṃdivā divyavapuranirdeśyo mahārathaḥ ॥ 105॥ mahāratho mahānīśaḥ śeṣaḥ sattvarajastamaḥ । dhṛtātapatraḥ pratimo vimarśī nirṇayasthitaḥ ॥ 106॥ ahiṃsakaḥ śuddhamatiradvitīyo vimardanaḥ । sarvado dhanado mokṣo vihārī bahudāyakaḥ ॥ 107॥ grahanātho grahapatirgraheśas timirāpahaḥ । manoharavapuḥ śubhraḥ śobhanaḥ suprabhānanaḥ ॥ 108॥ suprabhaḥ suprabhākāraḥ sunetro nikṣubhāpatiḥ । rājñīpriyaḥ śabdakaro graheśas timirāpahaḥ ॥ 109॥ saiṃhikeyaripurdevo varado varanāyakaḥ । caturbhujo mahāyogī yogīśvarapatis tathā ॥ 110॥ anādirūpo'ditijo ratnakāntiḥ prabhāmayaḥ । jagatpradīpo vistīrṇo mahāvistīrṇamaṇḍalaḥ ॥ 111॥ ekacakrarathaḥ svarṇarathaḥ svarṇaśarīradhṛk । nirālambo gaganaro dharmakarmaprabhāvakṛt ॥ 112॥ dharmātmā karmaṇāṃsākṣī pratyakṣaḥ parameśvaraḥ । merusevī sumedhāvī merurakṣākaro mahān ॥ 113॥ ādhārabhūko ratimāṃstathā ca dhanadhānyakṛt । pāpasaṃtāpasaṃhartā manovāṃchitadāyakaḥ ॥ 114॥ lokahartā rājyadāyī ramaṇīyaguṇo'nṛṇī । kālatrayānantarūpo munivṛndanamaskṛtaḥ ॥ 115॥ saṃdhyārāgakaraḥ siddhaḥ saṃdhyāvandanavanditaḥ । sāmrājyadānanirataḥ samārādhanatoṣavān ॥ 116॥ bhaktaduḥkhakṣayakaro bhavasāgaratārakaḥ । bhayāpahartā bhagavān aprameyaparākramaḥ । manusvāmī manupatirmānyo manvantarādhipaḥ ॥ 117॥ ॥ phalaśrutiḥ ॥ etatte sarvamākhyātaṃ yanmāṃ tvaṃ paripṛcchasi । nāmnāṃ sahasraṃ savituḥ pārāśaryo yadāha me ॥ 118॥ dhanyaṃ yaśasyamāyuṣyaṃ duṣṭaduḥsvapnanāśanam । bandhamokṣakaraṃ caiva bhānornāmānukīrtanam ॥ 119॥ yastvidaṃ śṛṇuyānnityaṃ paṭhitvā prayato naraḥ । akṣayaṃ sukhamannādyaṃ bhavettasyopasādhitam ॥ 120॥ nṛpāgnitaskarabhayaṃ vyādhibhyo na bhayaṃ bhavet । vijayī ca bhavennityaṃ śreyaśca paramāpnuyāt ॥ 121॥ kīrtimānsubhago vidvān sa sukhī priyadarśanaḥ । bhavedvarṣaśatāyuśca sarvavyādhivivarjitaḥ ॥ 122॥ nāmnāṃ sahasramidamaṃśumataḥ paṭhedyaḥ prātaḥ śucirniyamavānsusamṛdhiyuktaḥ । var samādhiyuktaḥ dūreṇa taṃ pariharanti sadaiva rogā bhūtāḥ suparṇamiva sarvamahoragendrāḥ ॥ 123॥ ॥ iti śrī bhaviṣyapurāṇe saptamakalpe śrībhagavatsūryasahasranāmastotraṃ sampūrṇam ॥
error: Content is protected !!